Предстоятель
Встреча с Православием
Слово пастыря
Хроника монастырской жизни
Статьи
Праздники
Монашество
Духовная жизнь
О Новом Иерусалиме
Вести Святой Земли
Документы
Издания
МЕСЯЦЕСЛОВ Воскресенского Ново-Иерусалимского монастыря. Престольный праздник храма в честь новомучеников и исповедников Церкви Русской
Икона новомучеников и исповедников Церкви Русской

28 января/10 февраля.  СОБОР  НОВОМУЧЕНИКОВ  И  ИСПОВЕДНИКОВ  ЦЕРКВИ  РУССКОЙ

Поминовение всех усопших, пострадавших в годину гонений за веру Христову

Престольный праздник храма в честь Собора Новомучеников и Исповедников Церкви Русской, расположенного в комплексе Трапезных палат. Освящен малым чином 14 июня 2018 года  по  благословению Святейшего Патриарха Московского и всея Руси Кирилла, наместником Воскресенского Ново-Иерусалимского ставропигиального мужского монастыря архимандритом Феофилактом (Безукладниковым) в сослужении братии обители в священном сане.

Тропарь новомучеников, глас 4

Днесь радостно ликует Церковь Русская,/ прославляющи новомученики и исповедники своя:/ святители и иереи,/ царственныя страстотерпцы,/ благоверныя князи и княгини,/ преподобныя мужи и жены/ и вся православныя христианы,/ во дни гонения безбожнаго/ жизнь свою за веру во Христа положившия/ и кровьми истину соблюдшия./ Тех предстательством, долготерпеливе Господи,/ страну нашу в Православии сохрани// до скончания века.

Ин тропарь новомучеников, глас 4

Цвети Российскаго луга духовнаго/ в годину лютых гонений дивно процветшии/ новомученицы и исповедницы безчисленнии:/ святителие, царственнии страстотерпцы и пастырие,/ монаси и мирстии, мужие, жены же и дети,/ добрый плод в терпении Христу принесшии,/ молитеся Ему, яко насадителю вашему,/ да избавит люди Своя от безбожных и злых,/ да утверждается же Церковь Русская/ кровьми и страдании вашими/ во спасение душ наших.

Кондак новомучеников, глас 2

Новии страстотерпцы Российстии,/ исповеднически поприще земное прошедши,/ страданиями дерзновение приимшия,/ молитеся Христу на вас призревшему,/ яко да молящиися вам в час испытания веры их, / мужества дар приимут./ Образ бо есте нам, лобызающим стопы ваша,/ яко ни скорбь, ни теснота, ни смерть,/ от любве Божия разлучити вас не возмогоша.

Ин кондак  новомучеников, глас 3

Днесь новомученицы Российстии/ в ризах белых предстоят Агнцу Божию/ и со Ангелы песнь победную воспевают Богу:/ благословение, и слава, и премудрость,/ и хвала, и честь,/ и сила, и крепость/ нашему Богу// во веки веков. Аминь.

Молитва.

Святии новомученицы и исповедницы Церкве Российския, услышите усердную мольбу нашу! Вемы, яко нецыи от вас, еще отроцы суще, послушающе о древлих страстотерпцех, в сердце своем помыслиша, колико прелюбезно и доброхвально есть таковым подражати, ихже ни муки, ни смерть не разлучиша от любве Божия. Благо же вам, яко последовали есте вере и терпению тех, о нихже слышасте и ихже возлюбисте. А понеже на всякое время возможно есть найти на ны испытанием нечаянным, испросите от Господа нам мужества дар, иже толико благопотребен есть в житии человечестем. Вся концы отечества нашего страданьми своими освятивший, яко общий за вся ны молитвенницы, умолите Бога, избавити люди Своя от ига, ужаснейшаго паче всякаго инаго. И да отпустится нам и всему роду нашему грех, на народе российском тяготеющий: убиение царя, помазанника Божия, святителей же и пастырей с паствою, и страдания исповедников, и осквернение святынь наших. Да упразднятся расколы в Церкве нашей, да будут вей едино и да изведет Господь на жатву делатели Своя, сиесть да не оскудевает Церковь пастырьми добрыми, иже имут просвещати светом истинныя веры столь великое множество людей, вере ненаученных, или от веры отвратившихся. Недостойни есмы милости Божия, обаче страданий ради ваших Христос Бог наш да ущедрит и помилует всех нас, в помощь вас призывающих. Мы же Ему, Спасителю нашему, со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.